به کانال تلگرامی ما بپیوندید

ای خدا حجتی گل یوبانما شانی ده رتبه ده بی بد لسن

دانلود ای خدا حجتی گل یوبانما

شانی ده رتبه ده بی بد لسن                         هر گوزلدن آقا سن گوزلسن

شعری زیبا درمورد امام زمان (عج)

 قلمیم جوشه گلوب حیدره عنوان یازدیم

                            بعد  پیغمبر   علینی  شه  خوبان  یازدیم

آدینی  ثبت ایلدیم قلبیمه هر  صبح ومسا        اوگوزل   آدینا ایله   جانیوی     شیعه فدا

ذکر حیدردی علاج  مرضون  درده دوا        بوعلیدی  آدینی   دردتلره   درمان یازدیم

دیمه  دونیا یوزونه  حیدره همتا   گلجاخ       شیعییه  شیر خداتک   دیمه مولا  گلاجاخ

دئمورم   باردگر   عالی و اعلا  گلجاخ       رادمردان    جهانه   شه مردان     یازدیم

بوگوزل اسمیده الله نه حلاوت   یارادیب      گل زیبای   جناندور  نه طراوت  یارادیب

نه دئیم خالیقیوه گور نه ظرافت  یارادیب       آدینی   منشاء   شورو شعف جان  یازدیم

نه سماوات وزمین چونکه سنه نازائلییور      نه  چمن   لاله گوله    یاسمنه ناز  ائلییور

خالقون  ناز  زمین و زمنه    ناز  ائلییور      خلقت  حیدری   من خلقت جانان   یازدیم

سنی الله دوز اولان عدلینه معنا  یارادیب       تشنه  عدل   وعدالتلره    دریا    یارادیب

بو گوزل شانیوه لایق سنه زهرا یارادیب        فاطمه  آدینی   سرلوحه   نسوان  یازدیم

باشیوه تاج شرف قویسان اگر سسله علی       بوجهاندان  نقدر  دویسان اگر سسله  علی

فزت وربی سسینی آلسان اگر سسله علی      حیدری  کان   وفا  معنی   ایمان    یازدیم

ذکر   ائله  اسم  جلاله غم ودردین آزالی      دفتره مین  حسنه ذکر  ائلدوخ  جان یازالی

چوخ تلاش ائیله کچورعمرشماری آزالی       یئر اوزونده بو امامی   ید سبحان  یازدیم

بو یداللهیدی  دوتسان  اتگین  داده    گللر       قبرین اول گجه سی گورنئجه فریاده  گللر

قورخما  ظلمتده  علی  شیعییه امداده گللر        دست حق حیدری من ناطق قران  یازدیم

طائرا دوت اتگین تا کی  قفسدن  چخاسان       یول تاپوب حقه مگر بند هوسدن چخاسان

حاجتین  آل کی  مبادا بو نفسدن  چخاسان        من  علی   اللرینی   چاره  زندان یازدیم

منبع

طبیبیم دردمندم طالب درمانیوام گل گل

طبیبیم  دردمندم طالب درمانیوام گل گل                           مریض درد عشقم ، خسته هجرانیوام گل گل
کرم قیل التفاتون کسمه ای شه ، بینوالردن                        گدایم بینوایم ، سائل احسانیوام گل گل
خمار باده عشقم منه رحم ایله ای ساقی                           وفا بزمنده محتاج  می عرفانیوام گل گل
مسلم نیلورم ، وئردیم حیاتون چشمه سین خضره               بقا سر چشمه سی سن سن سنون عطشانیوام گل گل
گئجه گوندوز  ایشیم آه و فغان دور ، درد هجروندن           ترحم قیل خیال وصلیله حیرانیوام گل گل
اورکده لاله تک هجرون چکوبدور داغی ، داغ اوسته           الا ای باغبان رحم ائت یانان ریحانیوام گل گل
بهشتیم گلشنیم باغیم گلستانیم گلیم ،سن سن                      خوشام بلبل لرون جمعنده مدحت خوانیوام گل گل
امیدیم  عزتیم عشقیم جلالیم شوکتیم، شانیم                      حبیبیم، دلبریم ، جانیم ،بلا گردانیوام گل گل
تولا ملکونون  سلطانی سن سن ایندی احسان ائت              بو مسکین و گدایه ریزه خوار خوانیوام گل گل
جهاند ا اهل عالم لطفیوه  محتاج  دور ای شاه                   نه تک من مستمند دولت غفرانیوام گل گل
اگر چه قابلیت یوخ اولام  درباریوه دربان                    ولی لطف ایله ای شه خادم دربانیوام گل گل
اوزومده گورمورم اقبال اولام  درگاهیوه خادم                   تفضل ایله سن جارو کش ایوانیوام گل گل
تعال الله تعال الله عجب لطف ائتموسن احسان                    که  بنده سویلو اوز مولاسینه قربانیوام گل گل
باش ایسته ای باشیم تاجی سنه جانیم  فدا  اولسون            ندور باش مین جان اولسا  تابع فرمانیوام گل گل
سن اقلیم ولایتده شهنشاه فلک شوکت                                 قبول ائدسن غلا بی سر و سامانیوام گل گل
تیکیبدور گوز یولا بیر عمر دور شب خیز یول گوزلر        گوزون قربانی ای گوزلر گوزی قربانیوام گل گل