الهی یانمیوم نجه شرار و محنت و غمه منیم آنام جوان ئولوب مدینه باتدی ماتمه
کلامی زنجانی
الهی یانمیوم نجه
شرار و محنت و غمه
منیم آنام جوان ئولوب
مدینه باتدی ماتمه
منیم بهار آرزوم
اولوب خزان مدینه ده
اوجالدی توسدو گویلره
توکولدی قان مدینه ده
دیوللر اولدی میخ در
بلای جان مدینه ده
بو غمده قاره چکدیلر
ملکلر عرش اعظمه
منیم آنام دفاع ائدیب
ولایت نگاریدن
بابام علی وفا گوروب
او یار با وقاریدن
نلر چکوب آز عمریده
بو غملی روزگاریدن
اولاردی سو ، یاغِیدی گر
بو غم جبال محکمه
الهی شاهد اول منیم
آناما سیلی ووردولار
گلنده غملی کوچه دن
یولونون اوسته دوردولار
قباله اوسته مادرِ
حسن حسینی یوردولار
شهیده گئتدی دهریدن
او بانوی مکرّمه
منیم آنام غریبیدی
مریضلره طبیبیدی
چکردی دورت گولون نازین
وفالی عندلیبیدی
ملک لره عزیزیدی
ئورکلره حبیبیدی
حبیبۀ خدا گئدوب
قوناق رسول اکرمه
پس از پیمبر ارثینی
عداوت اهلی بُؤلدولر
ملال آل هاشمه
بنی امیّه گولدولر
الهی اوچ یوز اجنبی
بیزیم ائوه توکولدولر
ووروبلار آتش ستم
حریم یار محرمه
الهی شاهد اول عدو
آنامی الدن آلدیلار
اوشاقلیق عالمی منیم
باشیما قاره شالدیلار
نه تک آنام که شیعه لر
قاپی دالیندا قالدیلار
قیامته کیمی وورار
بو اود شراره عالمه
هانی او مهربان آنام
منه عزیز جان آنام
هایاندا منزل ایلیوب
او قبری بی نشان آنام
الهی رحم ائله منه
یارالیدی جوان آنام
نه تاپدی دردینه دوا
نه چاتدی سینه مرهمه
بوشفاخانه حسینندورطبیب آنی باخور